MORE YOGURT (富達大廈)

營業中

休息中

最近依間乳酪店開咗唔少分店，標榜一份水果一杯乳酪，係唔少人嘅健康之選。今日經過旺角分店就俾佢嘅牛油果公仔吸引住，一於試下佢嘅牛油果乳酪先。原創牛油果乳酪奶昔，乳酪上面鋪滿咗牛油果片，牛油果非常新鮮香糯，聽講係用咗成個牛油果黎打嘅乳酪奶昔，乳酪質地綿密，有濃濃嘅牛油果味，又唔會太甜膩。士多啤梨乳酪奶昔，係新產品，飲落仲有士多啤梨果肉，乳酪味同士多啤梨味非常均勻。除咗乳酪奶昔，仲有乳酪脆墩墩，即係好似三文治咁，仲有乳酪杯添。