露面手工拌麵料理

今日去到灣仔做野，諗住拿拿林求野食啲野就算，估唔到比我搵到間靚麵店，勁驚喜！呢間「露面手工拌麵」一聽就知主打麵類，見佢餐牌好力sale呢個嫩雞白布湯闊麵，未食過基於好奇心就揀左黎食一上到枱勁香濃奶味，一睇返先知原來湯底加左花奶，唔怪得勁香，而且份量都勁大碗白布麵幾得意真係成塊布咁夾到出黎，食落好索味，完全無浪費到個湯底最最驚喜係啲雞肉都勁嫩一啲都唔鞋，份量分分鐘仲多過啲麵添呀！呢個麵仲放左好多菜係到，成餐都覺得食得好健康，唔錯！野飲方面叫左個香茅香水檸檬茶，好老實香茅味就唔係好出，但啲青檸就真心高質啦，唔係吹大可以話好飲過出面啲手打檸檬茶，lime勁新鮮勁香到最後食飽見到原來呢到有椰子latte，勁中意椰子味既我忍唔住叫返一杯，果然無令我失敗，真係甜度適中勁重椰味，一流！