Kind Kitchen (已結業)

食呢間餐廳唔止一次，但呢間分店係我第一次食。原來餐牌都有少少唔同我叫左新既植物蛋照燒碗呢度係買完野食再比飛廚房，等左大約5-10分鐘就有得食啦！ 呢個係紅米，糙米，冬菇，西蘭花，椰菜花，紅蘿蔔，蟲草花，茄子，同埋主角植物蛋！啲飯唔係好夠熱，但都可以接受。全部蔬菜都好入味，有小小照燒汁既味。最好味真係個蛋！本身我係好鍾意食蛋，呢個蛋入面重有啲冬菇一齊整。個蛋唔會好老，食落都ok滑。同埋個蛋係熱辣辣，睇得出係即刻整。成餐都係素，真係超級健康！食開肉既唔使驚食唔飽，食素都可以好飽架！