北京水餃店 (已易手) 新餐廳

其實依啲舖之前我都食過五六次，次次都係食佢個"豬扒擔擔麵",我鐘意佢個擔擔麵個湯底雖然好油但係佢花生醬夠多，多到連啲湯都杰杰地，更有好香嘅大蔥同花生味！而豬扒亦炸得香脆肉淋！但不知道係唔係今日男老板唔響度嘅關係，個湯甜到好似糖水咁，我比錢時好意問一問老板娘點解個味唔同左，佢話無可能，根本煮依個擔擔麵湯底冇落過糖去煮，既然佢咁講自己又唔試下我都冇嘢好講！我仲有叫多個大蔥羊肉餡餅，裡面啲料太少，而羊肉又冇乜羊肉味！希望今次係因為男老板唔響度先搞到咁啦！如果唔係以後又少一間好味小店好去處！