富都茶餐廳 (已搬遷) 新店位置

今晚收工喺荃灣轉車突然忍唔住肚餓走咗去富都餐廳宵夜， 食宵夜都肥唔爭在,叫咗個干炒豬扒意粉，幾分鐘就有得食，色、香都唔差但好似唔夠乾身，D豉油汁有好多喺碟底試一試味道都唔差，試件豬扒有醃過味道ok但再次第二件又有D唔同 ，散收收而且好似食隔夜瘦肉咁點解同一碟炒嘢可以水準咁唔穩定嘅？唔係好難食不過又唔係好囉埋單69元，半夜三更都有得食唔算太貴架喇，呢度D伙記成日都好似好忙咁，有D都算有禮貌但木口木面多囉！