意八餐廳 (已結業)

放工後要特地去到沙田搵老姊拎返野，山長水遠唔食個飯點對得住自己個胃？餓住返屋企嘅野我係唔會做。可惜塞一塞車，令原本已經遲，就更遲。要平得黎又可以比我快快手食完再拎野，係有啲難度，老姊揀左附近餐廳，話平得黎都好味。我餓過頭，唔係好食到野，但見隔離枱食得咁開心，又咁大份，就同老姊share食，姐夫自己食一個！姐夫叫左雞食...賣相幾吸引，食落都叫做對得住個價錢！算唔錯！我同老姊叫左呢個西冷，8成熟。原來，真係唔錯！食落真係比返8成熟你，唔係全熟上。加上，肉質較冧，配埋黑椒汁，真係好驚喜！一百蚊唔駛嘅價錢，食到呢個質素，算係性價比高啦！