川上龍 (已結業)

今晚2個早放工，去食個靚飯！簡簡單單，喺海防道經過搵到間川菜樓上舖！川上龍 - 要上樓嘅川菜！名字好英！內面嘅位置好多，環境寬闊，係一間高級餐廳！佢地嘅餐碗都好精緻~印有金魚圖案！叫咗個水煮魚跟一個口水雞小食！口水雞滋味無窮！少少辣加埋D醃料好麻口好香！D雞肉好嫩滑~皮肉分明~5算肥！加埋D秘製辣汁！直情想拎黎撈飯！重頭戲係水煮魚！水煮魚個辣~~~好過癮！要不停飲茶解渴！D魚肉5多骨！無一啖都嫩滑~好似溶左入口咁！白雪雪嘅魚肉被辣到癲嘅麻辣湯汁染紅！紅通通嘅魚肉真係訓練開嘅朋友先食到~~加埋白飯，一紅一白，色水夠哂！香味濃郁！味道爆燈！