韓兄弟燒烤

營業中

休息中

黎到紅磡就梗係搵一間連紅磡人都推介嘅韓國餐廳啦，今次就黎到韓兄弟👦🏻👦🏻呢間真係由2位真兄弟開嘅餐廳。餐廳佈置簡單、寬敞，好有韓國地道嘅感覺，而且餐廳仲不停播放住k-pop歌同MV ，好有韓國氣氛😂前菜有六款：醃蘿蔔、醃青瓜、韓式泡菜、大豆芽、薯仔、菜，款款都酸酸辣辣夠晒開胃，而且咬落新鮮爽甜。燉牛肋骨湯 + 米飯 ($88)湯底清香，牛肋骨燉到好腍，好有牛肉嘅香濃味，送飲一流👍🏻👍🏻👍🏻海鮮煎餅（$98）香脆可口，加埋獨特醬汁，食到停唔到口🤤醬油炸雞（$160）炸粉唔算好厚，雞肉多汁入味，去韓國餐廳係必點嘅食物！講到炸雞，當然唔少得酒啦！滿足嘅韓國之夜😌😌😌