周師傅點心 (已結業)

久唔久來深水埗呢邊行下都幾開心，有好多平嘢買，而且仲有好多非連鎖式經營的美食！幾有新意，又有人情味。熙來攘往的街道之中穿插着，突然落起大雨，企埋一邊避一避雨，身後有一間周師傅點心，反正肚餓，不如就食埋飯先返屋企啦。估唔到看似平凡嘅一間點心店，原來可以食到特色又有創意嘅點心喎！乾脆叉燒包叉燒包平時食開蒸嘅，原來呢度有焗叉燒包！當然要試吓，估唔到焗嘅叉燒包係咁好食，外層少少金黃，係脆脆地的，裏面都係鬆軟的，真係又有層次又好味。XO醬炒蘿蔔糕，小小辣，食落軟軟的蘿蔔糕之中 帶幾分刺激，而且份量都幾多！好抵食！紅酒牛肉球用紅酒做牛肉球的醬汁，真係夠矜貴！非油炸脆脆蝦多士！呢個係重點推介！真係令人好驚喜的菜式！蝦多士用上左勁多蝦肉做餡，好抵食！而且上面好多芝麻，好香脆。