鮨政

營業中

休息中

已經好耐冇嚟過上環呢邊食壽司，以前仲喺中環返工嘅時候，成日都會過嚟上環呢間sushi masa食晏晝，因為最鍾意佢啲嘢夠新鮮，同埋加上係日本師傅主理，所以品質一定有保證！而呢度每月都有限定優惠，今次都唔例外，Follow餐廳IG 即送一客蕨餅，作為完美嘅ending。我地兩個人今日真係好好彩，我朋友吧枱最後兩個位。坐低之後睇咗一陣Menu，其實都好多lunch set options，最後都係選左個sushi set，沙律、蒸蛋、烏冬同埋10件壽司。我覺得呢間壽司店最好嘅就係去屬於傳統壽司店，所有嘅壽司都唔會有過分嘅裝飾或者調味，真係俾你食到好純粹嘅魚生嘅鮮味，尤其是係個吞拿魚，我好耐冇食過啲咁濃味嘅吞拿魚，海膽同toro都好出色。甚至乎個烏冬我都覺得好好食，佢唔係好鹹，湯底真係超級淡，但係就係因為咁樣，令到你更加Focus on 烏冬本身個口感。