影片
更多
2021-11-09
1452 瀏覽
好多年前食過分店，無咩特別印象，感覺名過其實。今晚忽然摵起條筋想去食焗魚腸，walk in 總店唔使排隊好開心😊，而且食物有水準，老店出名係有原因。招牌砵仔飯，豉油豬油撈白飯真係絕配👍樓面叔叔仲貼心提示可以上咗菜先至落單叫砵仔飯，因為好快上，趁熱食。焗魚腸一上枱，香氣撲鼻，蛋面香脆，餡料豐富好濕潤，每一口都吃到甘香嘅魚腸，無一丁點苦味或腥味。中間食到好似麵包布甸嘅粒粒，諗咗好耐，終於醒起應該係油炸鬼👻家鄉釀鯪魚，一心只係諗住食屋企唔會煮嘅手工菜，都擔心會腥。但往往無期望下就會有驚喜，一上枱見到條魚咁肥美就知道好味。魚皮完整炸得好靚仔，趁熱食固然香脆，食到最尾攤凍咗都仲係好脆，尤其有魚鮨嘅部份，同食炸魚皮小食一樣咁香脆。鯪魚肉完全無碎骨無腥味，應該混合咗豬肉令味道更豐富，花生木耳增添口感。蟹肉豆苗其實都唔錯，雖然豆苗比較大棵，但都唔算老。只係另外兩個餸太出色，所以相形見絀😅落單時，樓面叔叔已經提咗我哋，馬拉糕係食完主菜先至上。食物份量足，本來食咗咁多嘢已經好飽，但阿姐一打開個蒸籠蓋，聞到馬拉糕嘅奶黃甜香，胃口即刻返番嚟。馬拉糕有三層，由外面到中心位都係咁鬆軟，好香奶黃味又唔太甜。食完勁滿
招牌砵仔飯，豉油豬油撈白飯真係絕配👍
樓面叔叔仲貼心提示可以上咗菜先至落單叫砵仔飯，因為好快上，趁熱食。
焗魚腸一上枱，香氣撲鼻，蛋面香脆，餡料豐富好濕潤，每一口都吃到甘香嘅魚腸，無一丁點苦味或腥味。中間食到好似麵包布甸嘅粒粒，諗咗好耐，終於醒起應該係油炸鬼👻
家鄉釀鯪魚，一心只係諗住食屋企唔會煮嘅手工菜，都擔心會腥。但往往無期望下就會有驚喜，一上枱見到條魚咁肥美就知道好味。
魚皮完整炸得好靚仔，趁熱食固然香脆，食到最尾攤凍咗都仲係好脆，尤其有魚鮨嘅部份，同食炸魚皮小食一樣咁香脆。鯪魚肉完全無碎骨無腥味，應該混合咗豬肉令味道更豐富，花生木耳增添口感。
蟹肉豆苗其實都唔錯，雖然豆苗比較大棵，但都唔算老。只係另外兩個餸太出色，所以相形見絀😅
落單時，樓面叔叔已經提咗我哋，馬拉糕係食完主菜先至上。食物份量足，本來食咗咁多嘢已經好飽，但阿姐一打開個蒸籠蓋，聞到馬拉糕嘅奶黃甜香，胃口即刻返番嚟。馬拉糕有三層，由外面到中心位都係咁鬆軟，好香奶黃味又唔太甜。食完勁滿足😋
仲有一個驚喜位，老店樓面都有少少殘舊啦，但洗手間好新淨，又夠光。香港食肆，尤其酒家嘅廁所一向環境衛生欠佳，為人詬病。但要讚一下老店嘅清潔員工做得好好👍👍👍，廁所無異味（無臭味，無好假嘅空氣清新劑），廁格地板都清潔乾爽。
一間老牌食店，食物水準keep 得到，價錢合理，員工服務態度又好，連最難攪嘅廁所清潔都做得好，難得。食店係teamwork, 老闆、廚房、樓面、清潔各司其識，抵讚呀！
張貼
