影片
更多
2018-06-17
52 瀏覽
今日同朋友去左太子花園街行下，行完就搵左呢間好近地鐵站既拉麵店食下午茶。店舖裝修得好有日本拉麵小店既感覺，除左有大枱，亦有一格格單人座位，有日本風味。店舖採用用平板電腦電子落單，好方便亦更環保。可以自己選擇麵既軟硬度丶調味濃淡度同配料既多少，好方便。呢度只有四款拉麵選擇，分別有豚骨湯既魂拉麵 ; 加左蕃茄汁同辣汁既火魂拉麵 ; 加左墨魚汁既太極拉麵同要六點後先供應既青龍拉麵。我自己就揀左最普通既魂拉麵。豚骨湯底好香濃，亦唔會太鹹，配合粗身嘅拉麵同大大塊好入味既叉燒，食到既係好傳統，好正宗既日本拉麵味道。而朋友就叫咗太極拉麵。湯底一半加上墨魚汁，造成黑白太極兩邊。除咗呢樣，叉燒上面仲有非常鮮味既蟹膏同矜貴既金箔。加左墨魚汁同蟹膏嘅湯底飲落去更有層次感。有冇留意到我哋除咗拉麵本身入面有嘅半隻玉子之外，我哋每人再加左一份玉子。因為我同朋友都好鍾意食蛋，知道呢度全面採用日本進口雞蛋，就決定追加。果然冇令我地失望，日本蛋幾時都係咁好食。蛋白好嫩滑，蛋黃就半熟，有溏心效果，味道好濃郁，配合埋湯底真係正。飲品方面我哋都揀咗童年回憶嘅波子汽水，朋友要左原味，自己要左士多啤梨味。始終都係原味比較好，士多
店舖裝修得好有日本拉麵小店既感覺，除左有大枱，亦有一格格單人座位，有日本風味。
店舖採用用平板電腦電子落單，好方便亦更環保。可以自己選擇麵既軟硬度丶調味濃淡度同配料既多少，好方便。呢度只有四款拉麵選擇，分別有豚骨湯既魂拉麵 ; 加左蕃茄汁同辣汁既火魂拉麵 ; 加左墨魚汁既太極拉麵同要六點後先供應既青龍拉麵。
我自己就揀左最普通既魂拉麵。
豚骨湯底好香濃，亦唔會太鹹，配合粗身嘅拉麵同大大塊好入味既叉燒，
食到既係好傳統，好正宗既日本拉麵味道。而朋友就叫咗太極拉麵。
湯底一半加上墨魚汁，造成黑白太極兩邊。除咗呢樣，叉燒上面仲有非常鮮味既蟹膏同矜貴既金箔。加左墨魚汁同蟹膏嘅湯底飲落去更有層次感。
有冇留意到我哋除咗拉麵本身入面有嘅半隻玉子之外，我哋每人再加左一份玉子。因為我同朋友都好鍾意食蛋，知道呢度全面採用日本進口雞蛋，就決定追加。
果然冇令我地失望，日本蛋幾時都係咁好食。蛋白好嫩滑，蛋黃就半熟，有溏心效果，味道好濃郁，配合埋湯底真係正。
飲品方面我哋都揀咗童年回憶嘅波子汽水，朋友要左原味，自己要左士多啤梨味。始終都係原味比較好，士多啤梨味有啲過甜，但味道都可以接受，唔會係好假嗰種藥水味。
傳統味道既魂拉麵同創意既太極拉麵各有特色。值得一讚嘅係店內伯伯好友善，笑容親切，睇到佢對工作充滿熱誠。
張貼
