蛇王芬

營業中

休息中

冬天真梗係要食蛇羹！嚟到中環，個個都會嚟蛇王芬食！平時好少食蛇，見今年真係好凍，所以就想試吓！呢間餐廳係一間有歷史嘅餐廳，基本上遊客呢度都會食，反而我呢個香港人從來都未食過🤣餐廳嘅裝修係有一種懷舊嘅感覺，但都唔會覺得污糟，反而覺得好有feel!我哋叫咗一碗細蛇羹.本身都唔知道會係啲咩味，原來都幾似雞肉，當然入邊一定有溝雞肉絲，識得出入邊有陳皮！食完個感覺好補身！我哋仲有叫咗個糯米飯以為細細碗，點知勁足料！入邊有超多臘腸同潤腸，啖啖都有料，超豐富！糯米又好冧！我哋再叫左啫啫雞煲！超香！原來係傳統做法，有埋豬潤！超惹味！如果無叫糯米飯，係應該叫白飯配！原來餐廳開始轉型，有好多新派菜式，但我哋發現得太遲，下次再黎試下