萬寶素食館 (已結業)

上星期和朋友飯局, 星仔老婆話想食素, 仲話想食d傳統的, 不要古靈精怪的食館, 我打探食開素的朋友得知, 依間係窩打老道、培正中學對面的萬寶素食館, 開業好多年, 每逢星期六日或初一十五, 都要訂位先有枱, 和大家商量後決定試下這間素食館。我們一行8人訂了8點鐘, 去到的時候都有8成滿, 好在有訂枱, 如果唔係有排等。我們點了葡汁焗四蔬、炸鮮奶、炸荔芋卷、五柳芋頭魚、錦滷雲吞、素豬扒、素魚生、豉油皇炒麵和粟米粥，大家傾左一陣計, d菜都陸續上枱, 都算好快同埋好夠熱, 我就好鍾意個芋頭魚、炸鮮奶和粟米粥, 而個素魚生係鮑片拼吞拿魚, 好鬼似食真魚生的感覺, 好好食. 連星仔老婆都話好得意好正, 到差不多食完, 有位伙計哥仔話可以任食生果及糖水, 生果有火龍果、西瓜、哈密瓜、忙果、橙等等, 而糖水就有涼粉同埋綠豆沙, 好豐富好正呀...總括來說, 每人都係70多元, 又有免費生果糖水任食, 都可以話好抵食好正同好好味, 值得一試!