影片
更多
2020-10-22
64 瀏覽
朋友曾經介紹過呢間餐廳，話呢度可以食到傳統粵菜，仲話午餐非常抵食；今日喺大角咀，就特登行過嚟呢度試吓。叫咗$68嘅「海底椰紅棗豬骨湯」，連白飯，仲包當日例湯。今日例湯係「青紅蘿蔔雞骨草煲豬肉」，雖然係例湯，但係都落足料，好飲。「海底椰紅棗豬骨湯」好快就嚟埋，用個雞公燉盅裝住，賣相傳統得來又幾靚。個名叫豬骨湯，但係其實裏邊全部都係瘦肉，所以有好多肉可以食，兼有大量海底椰，仲有紅棗同杞子，咁多材料令湯味非常濃郁，後來師傅喺廚房出嚟話我知已經燉咗4小時，兼且用黑毛豬，唔怪得知咁美味，而湯底好清澈一啲都唔渾濁，亦都盡見師傅嘅技巧👍，仲配埋大大碗嘅白飯，食得好飽😋熱奶茶好香好濃好滑，正😋會再嚟試吓佢其它傳統廣東菜。仲有，我見到超多附近嘅工友嚟呢度食午飯，咁就已經可以估到呢度好味又抵食😋
叫咗$68嘅「海底椰紅棗豬骨湯」，連白飯，仲包當日例湯。
今日例湯係「青紅蘿蔔雞骨草煲豬肉」，雖然係例湯，但係都落足料，好飲。
「海底椰紅棗豬骨湯」好快就嚟埋，用個雞公燉盅裝住，賣相傳統得來又幾靚。個名叫豬骨湯，但係其實裏邊全部都係瘦肉，所以有好多肉可以食，兼有大量海底椰，仲有紅棗同杞子，咁多材料令湯味非常濃郁，後來師傅喺廚房出嚟話我知已經燉咗4小時，兼且用黑毛豬，唔怪得知咁美味，而湯底好清澈一啲都唔渾濁，亦都盡見師傅嘅技巧👍，仲配埋大大碗嘅白飯，食得好飽😋
熱奶茶好香好濃好滑，正😋
會再嚟試吓佢其它傳統廣東菜。仲有，我見到超多附近嘅工友嚟呢度食午飯，咁就已經可以估到呢度好味又抵食😋
張貼
