影片
更多
2017-10-08
275 瀏覽
一行四人黎到金百利中心食野，選定呢間金羅寶韓國料理，好評不少，相信穩陣無伏，加上係比較傳統嘅韓國料理，質素都有咁上下保證。餐廳環境不錯，佔地頗廣，座位間嘅空間感足，大部份都係卡座，坐得舒適，要諗下，單單係小菜都有八小碟，咁霸氣，張枱細小小都放唔落架。店員都會講廣東話，有部分睇起來都似係韓國人，始終呢邊遊客不少。餐牌方面有烤肉、韓式料理、湯品、煎餅、鍋物等，我地幾個點左少少燒肉，一個湯、燜牛肋骨煲，非常飽肚，人均二百零蚊，比想像中「冇咁貴」呢點菜後，店員好快送上八小碟前菜，份量大方，有泡菜、芽菜、菠菜、豆角、菜心等，口味都同喺韓國食到嘅好相似，泡菜偏重口味，用黎夾燒肉食會好正牛肉拼盤 $388花多眼亂，我地決定點個拼盤，裡面有牛排肉、牛肋肉等，份量不少，足夠四人享用。肉質理所當然比平時食嘅韓燒放題好得多，牛肉脂肪唔多，切得原身有嚼勁，燒過之後香口，滿口油份，十分滿足牛拼感覺上冇用好多重口味調料，所以食落牛味得以保留，唔會因為大量醃製而蓋過牛味。牛肋骨嫩腍，油膩感不重。特別一讚係佢地嘅烤爐唔會好大火，變相唔會咁容易燒燶啲肉而浪費左食材作為飯桶，即使係食燒肉都一定要配上一碗白飯，沾少少燒汁，
點菜後，店員好快送上八小碟前菜，份量大方，有泡菜、芽菜、菠菜、豆角、菜心等，口味都同喺韓國食到嘅好相似，泡菜偏重口味，用黎夾燒肉食會好正
小菜
23 瀏覽
0 讚好
0 留言
泡菜
9 瀏覽
0 讚好
0 留言
牛肉拼盤 $388
花多眼亂，我地決定點個拼盤，裡面有牛排肉、牛肋肉等，份量不少，足夠四人享用。肉質理所當然比平時食嘅韓燒放題好得多，牛肉脂肪唔多，切得原身有嚼勁，燒過之後香口，滿口油份，十分滿足牛拼感覺上冇用好多重口味調料，所以食落牛味得以保留，唔會因為大量醃製而蓋過牛味。牛肋骨嫩腍，油膩感不重。特別一讚係佢地嘅烤爐唔會好大火，變相唔會咁容易燒燶啲肉而浪費左食材
作為飯桶，即使係食燒肉都一定要配上一碗白飯，沾少少燒汁，輕鬆食完一碗。
牛肉拼盤
$388
80 瀏覽
0 讚好
0 留言
辣汁五花腩肉 $160
光食牛肉比較dry，我地都點左一份五花腩，而且係以辣汁醃製過，相當入味。因為我地都比較食得辣，所以就唔會覺得好辣；但同行有朋友都話覺得辣勁幾強架，唔食得辣要留意。五花腩肉嘅份量唔算多，相對之下覺得牛拼盤都幾抵食喎。
五花腩比較薄身，輕輕一燒已經食得，肥瘦佔半，但入口都唔會覺得太肥膩，反而有點爽脆
辣汁很惹味，當下子都想點份生菜包，好似我睇《三時三餐》般，包住生菜食。
辣汁五花腩肉
$160
13 瀏覽
0 讚好
0 留言
本來見到辣炆牛肋骨幾吸引，好想試下，可惜見到價錢要三百幾蚊，我地幾個又唔捨得喎，加上同行有朋友不能食辣，於是點左個類似嘅紅炆牛肋骨煲，好在都一樣滿意呢。
紅炆牛肋骨煲 $185
牛肋骨煲都值得一試，裡面都幾足料，牛肋骨都有好多件，而且唔會話得舊骨，仲有肉食，最重要係炆得夠腍身，平時我食呢種骨硬係痴到啲牙全部係肉，今次完全冇呢個情況，牛肋肉輕鬆離骨，食落嫩腍，仲要好入味。
裡面仲有蘿蔔炆成，所以湯汁都幾清甜，食完冇口渴，味精感唔強，朋友話最鐘意呢款
紅炆牛肋骨煲
$185
33 瀏覽
0 讚好
0 留言
紅炆牛肋骨煲
$185
27 瀏覽
0 讚好
0 留言
牛尾湯 $130
食韓國野唔少得要點湯品，平時我多數點辣豆腐湯，今日朋友話想試下牛尾湯，估唔到又幾有驚喜。
牛尾湯上枱熱辣辣，呈奶白色，朋友話比起佢上次飲嘅牛肋骨湯更加濃郁，相對之下，佢更加推薦牛尾湯
牛尾湯大約分到四碗，剛好一人一碗，裡面有不少牛尾，味道香濃，我諗到日後如果天氣凍，飲落肯定好暖胃。
牛尾湯
$130
10 瀏覽
0 讚好
0 留言
整體而言，金羅寶嘅環境不錯，喺銅鑼灣區都算係比較資深嘅韓國料理，晚市人均二百零蚊，食物水準不俗，店員嘅服務都可以，雖然唔係新派韓菜會見到嘅韓妹同oppa，已經係阿豬媽級同阿揸絲級，招呼都唔錯。週日黎到客人頗多，不催不趕，想食傳統韓國菜，呢度不失為一個選擇。
張貼
