影片
更多
2024-06-19
67 瀏覽
《李家 - 尖沙咀》你地會唔會突然間有個時期會好想不停食同一樣野呢？🤣話說前排煲劇既關係，突然好個心癮好想食韓式蜜糖炸雞🍗所以臨去旅行前我就捉左媽咪陪我食左兩日炸雞🤪一解我既炸雞心癮🥸講到韓式炸雞，李家算係香港既元祖韓式料理餐廳之一，我記得以前讀書既時候同朋友兩個人叫一份炸雞就已經夠食😎所以呢度係我充滿住回憶既傳統韓國料理餐廳🥹今次同媽咪黎叫左兩樣野食就已經好夠飽了😉💁🏻♀️蜂蜜蒜蓉無骨炸雞 $218呢款炸雞係我既最愛，如果喜歡蜜糖既香甜一定會鍾意食呢款的，佢既炸雞仲落左大量蒜蓉同炸原粒蒜頭🧄每粒都炸到好軟熟好易入口的🤓一份雞有成隻雞既份量，所以兩個人的話記住要注意份量，好大份的🥰每件炸雞都被蜜糖包裹住，外層香甜入面香脆，回憶番曬黎呀💁🏻♀️韓式玫瑰炒年糕 $188因為媽咪鍾意食辣炒年糕，今次就揀咗呢一款新推出嘅玫瑰炒年糕，佢加入咗玫瑰醬去炒，同樣都係辣辣地，但係多咗陣忌廉嘅香味，佢嘅年糕唔係平時食到圓轆轆比較粗嗰種，呢隻係好似用年糕做嘅麵條咁，食落煙煙韌韌十分掛汁，入面仲配埋好多青椒同洋蔥，同樣地份量頗大，最後食唔曬都要打包返屋企💁🏻♀️西柚梳打 $38今次試咗同樣係新推出嘅西柚梳打
你地會唔會突然間有個時期會好想不停食同一樣野呢？🤣話說前排煲劇既關係，突然好個心癮好想食韓式蜜糖炸雞🍗所以臨去旅行前我就捉左媽咪陪我食左兩日炸雞🤪一解我既炸雞心癮🥸講到韓式炸雞，李家算係香港既元祖韓式料理餐廳之一，我記得以前讀書既時候同朋友兩個人叫一份炸雞就已經夠食😎所以呢度係我充滿住回憶既傳統韓國料理餐廳🥹今次同媽咪黎叫左兩樣野食就已經好夠飽了😉
💁🏻♀️蜂蜜蒜蓉無骨炸雞 $218
呢款炸雞係我既最愛，如果喜歡蜜糖既香甜一定會鍾意食呢款的，佢既炸雞仲落左大量蒜蓉同炸原粒蒜頭🧄每粒都炸到好軟熟好易入口的🤓一份雞有成隻雞既份量，所以兩個人的話記住要注意份量，好大份的🥰每件炸雞都被蜜糖包裹住，外層香甜入面香脆，回憶番曬黎呀
💁🏻♀️韓式玫瑰炒年糕 $188
因為媽咪鍾意食辣炒年糕，今次就揀咗呢一款新推出嘅玫瑰炒年糕，佢加入咗玫瑰醬去炒，同樣都係辣辣地，但係多咗陣忌廉嘅香味，佢嘅年糕唔係平時食到圓轆轆比較粗嗰種，呢隻係好似用年糕做嘅麵條咁，食落煙煙韌韌十分掛汁，入面仲配埋好多青椒同洋蔥，同樣地份量頗大，最後食唔曬都要打包返屋企
💁🏻♀️西柚梳打 $38
今次試咗同樣係新推出嘅西柚梳打，如果你細個有去過唱卡拉OK，一定有點過Fruit Punch呢樣野😉佢就係嗰一種味道啦😬好有童年回憶嘅味道，媽咪覺得幾解渴，可以一試
張貼
