影片
更多
2021-04-25
717 瀏覽
見呢排做野辛苦，豪豪地去左搵間omakase食下，今次就揀左鮨金！Omakase dinner 黎講，由$980 到 $1680不等，咁就一叫就叫左最貴個個餐，刺身有成10款咁多仲有壽司同和食！由於食左太多款刺身壽司，咁就揀幾款介紹返🤩象拔蚌咁切都係第一次見，師傅話咁切真係無咩人咁做，但會鮮味啲，的確地個味真係濃縮啲，幾特別！龍蝦刺身喺omakase 真係相對少食，好爽口，點少少豉油調一調個味好正！呢個石垣𩶘配海膽同toro真係幾好食，本身海膽同toro呢個組合已經係無得輸，但無諗過用左石垣𩶘更加左個口感同加左啲醬汁後會令成件事錦上添花左😳生熟螢光魷魚，春季當造，生螢光魷魚勁鮮味，我覺得都唔使咩特別調味都好好味，而熟既螢光魷魚加左啲醋麵豉醬，酸酸地都幾惹味！呢個吞拿魚下巴都真係要介紹下，平時我食omakase ，對啲燒魚既熟食都不太感興趣，但呢個係幾驚喜！燒得外脆但入面幾juicy勁滑，而且勁多肉，好味到估佢唔到！針魚呢個造型勁靚，針魚本身味相對淡，但師傅用左紫菜夾住啲針魚真係第一次見，再用上啲酸汁咁上菜，勁好心思！海膽杯既份量多到好誇張，完全同不吝嗇咁俾，好夠滿足！壽司方面不得不講呢
食下，今次就揀左鮨金！
Omakase dinner 黎講，由$980 到 $1680不等，咁就一叫就叫左最貴個個餐，刺身有成10款咁多仲有壽司同和食！
由於食左太多款刺身壽司，咁就揀幾款介紹返🤩
象拔蚌咁切都係第一次見，師傅話咁切真係無咩人咁做，但會鮮味啲，的確地個味真係濃縮啲，幾特別！
龍蝦刺身喺omakase 真係相對少食，好爽口，點少少豉油調一調個味好正！
呢個石垣𩶘配海膽同toro真係幾好食，本身海膽同toro呢個組合已經係無得輸，但無諗過用左石垣𩶘更加左個口感同加左啲醬汁後會令成件事錦上添花左😳
生熟螢光魷魚，春季當造，生螢光魷魚勁鮮味，我覺得都唔使咩特別調味都好好味，而熟既螢光魷魚加左啲醋麵豉醬，酸酸地都幾惹味！
呢個吞拿魚下巴都真係要介紹下，平時我食omakase ，對啲燒魚既熟食都不太感興趣，但呢個係幾驚喜！燒得外脆但入面幾juicy勁滑，而且勁多肉，好味到估佢唔到！
針魚呢個造型勁靚，針魚本身味相對淡，但師傅用左紫菜夾住啲針魚真係第一次見，再用上啲酸汁咁上菜，勁好心思！
海膽杯既份量多到好誇張，完全同不吝嗇咁俾，好夠滿足！
壽司方面不得不講呢個牡丹蝦加燒蝦膏，牡丹蝦加蝦膏其實唔係啲咩新嘅菜式，但係點解呢個咁特別係因為師傅將蝦膏燒到啱啱好，蝦本身既爽甜，加埋熱辣辣燒過既蝦膏，燒過之後將蝦膏好似濃縮左十倍咁，呢個真係好正！
最後個卷物都好驚喜，外層上既唔係一般既紫菜，而係昆布紙，比紫菜再濃郁少少，再加返海量toro、少少赤身同黃瓜，免頭再加上三文魚子，真係無諗過最後嘅卷物竟然係會咁細緻同好食！
總括黎講，我覺得呢度嘅師傅嘅風格係比較上做返啲心機野，唔會話係搞到好複雜好多調味咁，反而更食到海鮮既鮮味，咁好似又真係食刺身壽司既原味道！
張貼
