影片
更多
2023-10-05
44 瀏覽
同朋友食中秋團圓飯，約左係天后如心酒店入面既阿翁小館食飯，原來係由阿翁鮑魚創辦人開既高級粵菜餐廳，環境雅緻舒適，好岩同親朋好友聚餐。阿翁經典名饌套餐 $780/位蟹肉竹笙燴花膠/原燉花膠爵士湯同朋友分別揀左唔同既湯，蟹肉竹笙燴花膠好足料，花膠同竹笙切成絲，配搭鮮甜蟹肉，每啖都食到不同既食材配搭，口感味道豐富！原燉花膠爵士湯都係第一次飲，除左老火湯既基本材料外，仲加左蜜瓜，聽落好似怪怪地，但飲落又出奇地夾，味道清甜帶果香，非常滋潤！川汁脆皮釀遼參/鮑魚汁遼參鵝掌遼參用炸的方式烹調都係第一次食，除左賣相精緻之外，口感層次亦好豐富，表面酥脆，遼參爽滑，中間釀入豬肉、蝦粒、冬菇粒、馬蹄粒，一次有三種口感，好特別！點埋酸辣醬汁，惹味之餘又唔會膩。阿翁招牌菜之一，自家調製既鮑汁燜煮近二十小時，鵝掌軟腍，遼參厚身，口感柔軟得來又富有彈性，吸收晒鮑汁精華 ，味道濃醇。生炆老虎斑頭腩菜式用煲仔上，除左保持溫度外，仲可以令魚肉特別焦香惹味，配有豆腐、燒肉、蒜蔥，好豐富。招牌脆皮炸子雞炸子雞色澤金黃，外皮脆薄，不過有啲部位皮下有一層脂肪，比較肥，但雞肉肉質嫩滑多汁，不錯！瑤柱葱花炒飯炒飯乾身，粒粒分明，材料
阿翁經典名饌套餐 $780/位
蟹肉竹笙燴花膠/原燉花膠爵士湯
同朋友分別揀左唔同既湯，蟹肉竹笙燴花膠好足料，花膠同竹笙切成絲，配搭鮮甜蟹肉，每啖都食到不同既食材配搭，口感味道豐富！原燉花膠爵士湯都係第一次飲，除左老火湯既基本材料外，仲加左蜜瓜，聽落好似怪怪地，但飲落又出奇地夾，味道清甜帶果香，非常滋潤！
川汁脆皮釀遼參/鮑魚汁遼參鵝掌
遼參用炸的方式烹調都係第一次食，除左賣相精緻之外，口感層次亦好豐富，表面酥脆，遼參爽滑，中間釀入豬肉、蝦粒、冬菇粒、馬蹄粒，一次有三種口感，好特別！點埋酸辣醬汁，惹味之餘又唔會膩。
阿翁招牌菜之一，自家調製既鮑汁燜煮近二十小時，鵝掌軟腍，遼參厚身，口感柔軟得來又富有彈性，吸收晒鮑汁精華 ，味道濃醇。
生炆老虎斑頭腩
菜式用煲仔上，除左保持溫度外，仲可以令魚肉特別焦香惹味，配有豆腐、燒肉、蒜蔥，好豐富。
招牌脆皮炸子雞
炸子雞色澤金黃，外皮脆薄，不過有啲部位皮下有一層脂肪，比較肥，但雞肉肉質嫩滑多汁，不錯！
瑤柱葱花炒飯
炒飯乾身，粒粒分明，材料只有瑤柱同蔥花，但加左鮑魚汁，令成個炒飯更香口，
蛋白生磨杏仁茶/精選美點雙輝
蛋白口感幼滑，杏香味濃，唔會太甜
美點雙輝有合桃酥同南瓜糕，合桃酥入口鬆化脆口，南瓜糕入面有粒粒南瓜，香甜可口。
張貼
