鋿晶館

營業中

休息中

依間點心舖嘅選擇真係勁豐富，而且冇諗到平日朝早嘅話居然$9就食到一款點心真係勁抵食。嚟到點心舖梗係第一時間叫蝦餃，晶瑩鮮蝦餃皮薄餡多，鮮蝦彈牙爽口，一咬即破。接著係雪山叉燒包，包皮香脆，叉燒內裡多汁。而欖角豉蒜蒸排骨鮮嫩多汁，欖角同蒜嘅味道完美融合，帶出排骨本身嘅鮮甜。食咗咁多嘢，梗係要叫返啲小菜先啦。粉絲中蝦煲，粉絲入味，大蝦鮮嫩。而XO醬爆魷魚鬚，魷魚鬚爽脆彈牙。最後就要飲返一碗湯，蟲草花螺片燉雞湯，湯頭濃郁鮮甜，螺片嚟得彈牙，雞肉滑嫩，一碗湯下肚，暖和又滿足。