影片
更多
2016-08-11
1415 瀏覽
香港生活節奏快，做乜嘢都匆匆趕趕，好似打仗咁，有時你想慢啲都會因環境而被逼加快步伐，實在，有時需要學懂點樣悠然‧慢活，讓心情得放鬆及保持平衡。雖然銅鑼灣喺旺區中嘅旺區，但一樣可以搵到啲「城市綠洲」歇一歇，就好似今晚同表姨甥女嚟到金百利嘅RBTea，輕輕鬆鬆食吓甜點，慢活一下 。話依度喺城市綠洲可覺你覺得有啲誇，但一室以綠為主調，湖水綠牆身，襯木系嘅餐枱椅，「草草木木」錯落其中，更不時晌「草叢」有兔仔嘅蹤影，俾多少少幻想，就猶如置身晌小叢林之中。食餐飯嘅，最好揀餐枱椅嘅區域啦；但如果想悠遊享受吓，飲杯嘢，食吓小食，舒適嘅梳化椅應該喺更好嘅選擇 。如想進一步更有「情調」，喺咪韆鞦式吊椅仲正呢！依排吊椅位彷彿為情侶而設嘅雙人座。順便介紹埋散點餐牌同晚市套餐俾大家參考，散點類別，大致分為脆香鬆餅、脆香鬆餅三文治、脆香吐司、班戟、意粉、香濃咖喱、烤薄脆、小食、甜品、蛋糕、現泡茶果茶、特調鮮果茶、冰雪樂、梳打特飲、岩鹽系列及咖啡。餐牌設計精美，更圖文並茂，由於同表姨甥女一心想試甜品，所以，主食就揀得輕怡啲，甜品就壓重注 。晚市套餐又喺點呢？一面餐牌印晒出嚟，主餐4揀1，連餐湯及飲品，定價晌$
話依度喺城市綠洲可覺你覺得有啲誇，但一室以綠為主調，湖水綠牆身，襯木系嘅餐枱椅，「草草木木」錯落其中，更不時晌「草叢」有兔仔嘅蹤影，俾多少少幻想，就猶如置身晌小叢林之中。
食餐飯嘅，最好揀餐枱椅嘅區域啦；但如果想悠遊享受吓，飲杯嘢，食吓小食，舒適嘅梳化椅應該喺更好嘅選擇 。
如想進一步更有「情調」，喺咪韆鞦式吊椅仲正呢！依排吊椅位彷彿為情侶而設嘅雙人座。
順便介紹埋散點餐牌同晚市套餐俾大家參考，散點類別，大致分為脆香鬆餅、脆香鬆餅三文治、脆香吐司、班戟、意粉、香濃咖喱、烤薄脆、小食、甜品、蛋糕、現泡茶果茶、特調鮮果茶、冰雪樂、梳打特飲、岩鹽系列及咖啡。餐牌設計精美，更圖文並茂，由於同表姨甥女一心想試甜品，所以，主食就揀得輕怡啲，甜品就壓重注 。
晚市套餐又喺點呢？一面餐牌印晒出嚟，主餐4揀1，連餐湯及飲品，定價晌$72-$85，算得上惠實，飲品更可加錢升級，亦可以用優惠價換千層蛋糕。
餐廳點餐好簡單，就喺剔紙仔，比起年半前幫襯太子店時方便好多，無論午市、下午茶、晚市或散點，一「剔」過搞掂，等啲客晌個位慢慢研究、慢慢剔，而且，清晰又少出問題，最窩心喺唔收加一服務費。
而枱上已有基本餐具，唔夠嘅話，可以到自助櫃枱自行搞掂，更備有少少調味料供取用。
綜合菌菇芝士薄脆 $42 先嚟一客薄脆，貪其薄薄哋墊吓肚，裁成一客6件，啲薄脆真喺好薄，尤其邊位就更脆到啪啪聲，餅面鋪滿什菌、芝士，為求更香，並撒上芝士粉，然而，菌香無被芝士冚過，仍算突出。
綜合菌菇芝士薄脆
$42
16 瀏覽
2 讚好
0 留言
黑椒牛肉鬆餅三文治 $56 我哋晌甜品中已打算嗌窩夫，不過，見依一系列鬆餅三文治頗有趣，一客兩件啱晒墊肚用。
三款口味中揀咗黑椒牛肉，而所謂黑椒牛肉，喺平時食自助餐見到嗰一類冷盤黑椒牛肉凍切，加埋生菜、蕃茄，以窩夫夾住，感覺新鮮，入口其實同平時食三文治唔喺好大分別，細嚐就發覺多咗份蛋香，而最有趣配咗個芥末沙律汁，加埋啲黑椒味，辣辣哋幾好食 。
柚子冰雪樂 $48 表姨甥女揀咗杯冰雪樂，即喺沙冰，盛夏飲杯沙冰，佢話不知幾爽。口味上共有7款選擇，而杯柚子冰雪樂一身橙黃，配幾片鮮橙，賣相清新。表姨甥女話柚味非常之出，真喺好爽，不過，啲冰粒打得未夠透，入口仲有少少冰粒感。
埋在岩鹽下的黑糖咖啡 $42 雖然都想飲杯沙冰，但喺咖啡一向喺小弟心水，好奇下揀杯挺有特色嘅岩鹽黑糖咖啡，因為睇餐牌嘅介紹已覺得佢好搞鬼：黑糖牛奶咖啡、岩鹽芝士、奶泡、黑糖醬。
可能我揀咗熱飲關係，最可惜佢哋用上瓷杯，睇唔到佢一層層嘅造型，不過，味道真喺幾過癮，先一朕咖啡味及黑糖香，再嗒落鹹鹹哋味。
埋在岩鹽下的黑糖咖啡
$42
4 瀏覽
1 讚好
0 留言
黑櫻桃酒心芝士千層蛋糕 $30 千層蛋糕難就唔算難做，但做得精就唔容易，完全喺手工嘢，初時都擔心啲蛋糕放晌雪櫃會唔會雪乾晒，但落刀切開好軟綿 。一層又一層嘅法式班戟皮夾住鮮忌廉，中間一層填滿黑櫻桃及芝士漿，入口真喺比預期好食，鹹鹹甜甜，又滲出些微酒香，猶如黑森林嘅班戟版。
黑櫻桃酒心芝士千層蛋糕
$30
3 瀏覽
1 讚好
0 留言
食完件帶法式班戟元素嘅千層蛋糕，跟住就喺打正英式班戟旗號嘅甜點，其實晌麥記嘅早餐中，小弟幾鍾意揀熱香餅。RBTea嘅班戟都以層層疊為外觀，焦糖咖啡喺3款口味中嘅最心水，加埋合桃就更啱啦。班戟煎得香軟，蘸滿焦糖咖啡糖漿，香甜綿綿，合桃碎碎同奧利奧餅碎增加咬口，不過，兩個人食一份確喺有少少重份量，因為，剩落嚟仲有份窩夫。
藍莓輕食鬆餅 $58 鬆餅分脆香鬆餅及輕食鬆餅，其實只喺份量嘅分別，前者喺整份鬆餅，後者可以話喺半份，我哋為免怕食唔使做成浪費，都醒目點「輕食」份量。整體喺兩件窩夫，只喺其中一件鎅開再擺得立體啲，擺上好多鮮藍莓粒，賣相幾靚。件窩夫都頗香脆，搭上雲呢嗱雪糕、少少忌廉及藍莓，一啖過入口真喺好爽，而藍莓應該煮過，所以帶點甜，雪糕亦好軟滑。
藍莓輕食鬆餅
$58
5 瀏覽
1 讚好
0 留言
RBTea確喺幾好坐，尤其有啲搖搖吊椅，加上環境營造出盎然嘅感覺，三幾個朋友約埋一齊，輕鬆自在，飲杯咖啡食點甜，確喺一個傾心吐意嘅好地方 。
張貼
