水門雞飯 (萬勤商業大廈)

營業中

休息中

水門雞飯一直嘅味道都好出色，而且係尖沙咀就有兩間分店係附近，佢哋嘅嘢食會有少少唔同，例如今次嘅萬勤商業大廈分店就會有提供河粉。所以我叫咗生牛肉拼豬肉丸同清湯河粉，啲肉質鮮嫩，豬肉丸Q彈多汁，配搭清湯河粉，滑嫩爽口。然後就係水門雞飯，啲雞肉嫩滑多汁，煮得恰到好處，配上香氣撲鼻嘅油飯。再配上醬汁同湯，令雞嘅味道更加豐富，。再嚟就係燒原隻魷魚，魷魚燒得恰到好處，帶有微微辣味，魷魚煙韌。另外，晚市可以用個比較平嘅價錢加配一個泰式豬手小食，豬手燉得腍腍軟綿。而且佢新推出咗話梅茶，清涼解渴，酸酸甜甜。