Hungry Monkey (金朝陽中心二期 - Midtown)

營業中

休息中

今晚同朋友去咗銅鑼灣一間日式鐵板燒居酒屋，價格親民，用左霓虹燈裝飾，走型格路線，既有現代感又有日式傳統的風味。一坐低店員送上前菜開胃小食蕃茄蒜子沙律，蕃茄入口清甜，加入蒜同埋蔥，增添香氣。章魚御好燒内餡食到滿滿既章魚塊和蔬菜，章魚彈牙，加左特製醬汁，撒上木魚絲，口感豐富。松葉蟹肉甲羅燒甲羅燒蟹膏份量好多，上面加咗松葉蟹肉，鮮甜細膩，配搭青瓜一齊食。豆芽韭菜花炒砂肝筋砂肝筋有嚼勁，豆芽韭菜清脆。明太子奄列奄列滑嫩，包住明太子，帶有微微既鹹味和濃郁既魚卵風味。避風塘茄子茄子外皮微脆，加入咗蒜蓉、蔥炒，風味之選。白鱔白鱔外皮微微焦脆，肉質細膩，點少少特製醬汁增添風味。蠔鐵板煎至金黃色，入口滑嫩鮮美。鐵板牛仔骨牛仔骨脂肪分布均，鐵板高溫快速鎖住肉汁，肉香味濃郁。飲品檸檬威士忌割水將威士忌的濃郁風味與檸檬的清新酸爽完美結合，口感平衡；柚子梳打瓶身有富士山圖案，柚子梳打口感清新，微微氣泡感，解渴之選。