芽莊越式料理 (新城市廣場) (已結業)

今日又到朋友黎沙田搵我食飯，調番出市區終於有番啲人氣。但適逢開學周街都係人，都係上7樓人少少既地方食，就揀左芽莊。唔知係咪星期五，無午餐亦無下午茶，一入坐店員仲話得一個鐘頭15分鐘食飯時間，明明都無人，唔知點解要set時間墨魚餅好香，佢仲要將墨魚切到一粒粒，所以好有咬口，味道都夠，唔會太多香茅味搶左鮮味牛肉撈檬。配料非常多，牛肉唔會太硬，而且醃得好香好入味，不過我覺得檬粉太暖唔夠凍。朋友叫左牛爽腩湯河。牛腩就好鬼硬，個湯，我覺得同越棧差唔多。總括，太貴又無午餐又無下午茶，味道亦唔係太特別，下次我都係去越棧食個38蚊既下午茶算了。