孖寶車仔麵

營業中

休息中

好多年無嚟葵廣食嘢，啲嘢貴左好多。今日叫咗四個餸，魚肉，蘿蔔，魚蛋，豬皮，油麵，孖寶辣汁加三蚊，加罐汽水，總數係69，而家喺葵廣食碗麵都要70蚊，真係唔知講咩好。講返碗麵，湯底麵質都正常，最好食係嗰個辣魚蛋，係陳皮魚蛋，仲有個魚肉都幾唔錯，煙韌，有魚味，唔係粉多過肉嗰隻。蘿蔔就略嫌唔夠腍，再腍啲入味啲更好。總括嚟講呢間孖寶係ok好食嘅，但不能算有驚喜，亦唔會吸引我再嚟。目測好多人嚟食腸粉燒賣，應該比較抵食 。