影片
更多
2023-08-12
139 瀏覽
作為順利邨民, 有新食肆開張必定捧場。雖然順利街市已經有一檔泰國人主理食肆, 但今次有得堂食, 體驗一定唔一樣。之前試過呢度既下午茶, 坦白講, 主食+加配小食+凍飲+10%服務費要接近$100係順利邨應該絕無僅有。上次下午茶主食要左金邊粉, 加配小食係馬拉盞通菜, 凍奶茶, 金邊粉同凍奶茶正常輸出冇任何野要挑剔, 但係個馬拉盞通菜就......其實味道正常既, 不過係正常地中式口味, 唔似一般九龍城泰國菜館咁。而份量, 我明白係"加配", 但呢個加配唔係加配$10, 而係近$40, 結果只換黎微量既菜葉, 多定少大家可以去試試體會。相反, 隔離枱加配豬肉生菜包, $50價錢但份量同原價一樣, 值得一讚。除此之外, 呢度空間感缺乏, 除非你坐卡位, 否則, 好似呢排咁多人, 你同隔離枱坐位距離近到好似朋友咁, 有時出入仲要隔離幫手移一移開張枱添。好啦, 講番今次食晚飯, 兩父子, 3個菜, 半隻雞, 酸辣鳳爪, 生菜包, 埋單$304. 味道OK, 除左鳳爪有D偏甜唔夠酸辣, 不過咸魚青菜各有所好, 口味既野好難講既。不過客觀地睇睇價錢, 已經直逼九龍城, 甚至有過之而無不及 (記住
之前試過呢度既下午茶, 坦白講, 主食+加配小食+凍飲+10%服務費要接近$100係順利邨應該絕無僅有。上次下午茶主食要左金邊粉, 加配小食係馬拉盞通菜, 凍奶茶, 金邊粉同凍奶茶正常輸出冇任何野要挑剔, 但係個馬拉盞通菜就......其實味道正常既, 不過係正常地中式口味, 唔似一般九龍城泰國菜館咁。而份量, 我明白係"加配", 但呢個加配唔係加配$10, 而係近$40, 結果只換黎微量既菜葉, 多定少大家可以去試試體會。相反, 隔離枱加配豬肉生菜包, $50價錢但份量同原價一樣, 值得一讚。除此之外, 呢度空間感缺乏, 除非你坐卡位, 否則, 好似呢排咁多人, 你同隔離枱坐位距離近到好似朋友咁, 有時出入仲要隔離幫手移一移開張枱添。
好啦, 講番今次食晚飯, 兩父子, 3個菜, 半隻雞, 酸辣鳳爪, 生菜包, 埋單$304. 味道OK, 除左鳳爪有D偏甜唔夠酸辣, 不過咸魚青菜各有所好, 口味既野好難講既。不過客觀地睇睇價錢, 已經直逼九龍城, 甚至有過之而無不及 (記住丫, 呢度有加一服務費架) , 但我就試埋今次就算啦。其中令我唔想再捧場既原因除左價錢, 唔似啟田, 樂富, 坑口D屋邨商場咁可以消費免費泊車外, 就係呢度會趕客。我明你新開張好生意, 呢段時間D邨民要排住隊捧你場, 但你晚市開5:30, 我同我老豆5:35入場, 你6:14就埋黎又收呢樣又收果樣, 做生意唔駛咁既, 我地已經一路係咁食, 野都唔敢講多句, 你都要45分鐘唔夠俾咁多壓力, 點敢再黎食丫。
學特首講句, 「好生意」丫!
張貼