大馬館 (已結業)

出發去雀仔街時，路經見到門外嘅餐牌，有肉骨茶即時吸引到我，餐牌其他食物都吸引到仔仔，所以決定一試。。。。。入去座位不多，人都唔多，有兩台客。。。我自己就當然叫左肉骨茶賣相唔錯，如果跟多幾粒指天椒會更好，排骨大約有三大件同一d肉碎，肉都算嫩同淋，唔會鞋口，個湯有濃濃嘅藥材味，入面有一兩條好似黨參嘅嘢，有幾片藥材，圓肉，感覺幾真材實料，最值得一讚係個湯夠熱，最怕係盛出嚟剩係微暖果種，食到一半個湯就凍晒果種仔仔就叫左個椰汁辣牛肉飯，牛肉就冇乜特別，有少少筋，但都算食得落，有d魚乾仔，驚喜係個辣汁，幾特別，小小微辣，餸飯一流