大馬館 (已結業)

大馬館前身係一間西餐廳，經常要等位。今日經過，有位女士喺門口叫我哋入去試吓海南雞飯、肉骨茶。半隻份量足夠（因為夾咗兩嚿，所以冇咁整齊)。雞皮唔肥，但唔爽、雞肉冇味，似一般白切雞。炸過的牛肉粒，乾乾哋，好彩唔硬，其他配菜一般，魚仔好鹹，辣汁冇乜椰汁味，辣味入口後慢慢滲出來。+$5改雞油香飯，無論顏色、味道都似一碗白飯肉骨茶偏甜，冇藥材味，有淮山、杞子；骨頭味道尚可，唔乾。小店除價錢大眾化外，也要好味道先吸引顧客，希望佢哋有進步！