Spicy Lips (已結業)

今日同一排冇見既朋友餐聚，本來想食對面既金坊，不過太多人，所以選擇左此間韓式食店，因為周圍d野吾岩食。由於二個人食，雖然店面較少，但等左一陣就有得坐喇，可能同朋友傾得開心，野食好快就到。（ps:店員幾貼心，一早話我地知年糕要等，又話我地兩個女仔可以share一罐drinks）我地叫左一客芝士年糕，一客泡菜炒飯，同炸雞。年糕麻麻，芝士味吾夠，因為我係芝士控，一開始我仲以為係齋芝士年糕…原來係有辣醬既；炒飯ok ga，冇乜驚喜，不過醫肚，岩岩好；最好味係炸雞，一啖一件，脆卜卜，點d醬仲好味，酸酸辣辣。最後埋單都吾洗120蚊，朋友仲請埋我食＾＾真係經濟實惠，愉快的用餐經歷，吾錯既選擇。