保食屋 (已結業)

天氣有啲涼，黎到深水埗，想食日式sabu sabu，行過見到呢間有一人一鍋就入去試下。價錢六十幾蚊，有牛肉/豬肉、粟米、菜、豆腐、芝士魚蛋、飯/烏冬、包埋嘢飲，真係好抵。我首選豬肉，半肥瘦，脂肪層涮完好香脆，不肥膩。烏冬彈牙，唔係淥淥下爛晒果啲。佢哋既炸物都好好味，炸生蠔、炸年糕、炸魷魚鬚都好香口又能保持個心都仲多汁鮮甜。另外鰻魚炒飯都係不錯既選擇，炒得夠香又唔會太鹹。估唔到價錢經濟都可以食到有質素既嘢。