方叔叔重慶老火鍋 (渣甸中心)

營業中

休息中

進駐香港8週年啦，8週年「勁慳」菜單全線新價格，平均降價約20-30%，而且免加一服務費，真係超抵呀！入座後，店員先送上紅棗雪耳糖水曖下胃，調料區仲有車厘茄可以任拎～⚇鴛鴦鍋 $78麻辣鍋x山珍菌鍋，麻辣鍋揀咗普通辣，夠辣但又唔算好辣，好香，用嚟淥啲肉類及內臟就最正！山珍菌鍋，用咗好多唔同種類的菇菌，比較清甜。⚇小酥肉 $29炸得好香脆，唔油，點少少辣椒粉，好食⚇屠場鮮毛肚 $79重慶老火鍋必食之一！牛味濃郁的鮮黃牛毛肚，真係超爽口⚇大刀猪腰片 $39新鮮，切得夠薄，食落好爽口，超正！⚇美國Prime特級牛胸腹 $69肉質幾軟嫩，油脂足夠，食落有牛味，幾好。⚇手打魚籽蝦滑 $39每日門店手打，超多蝦肉，彈牙又鮮甜，好食⚇鮮滑魚麵 $29口感好得意，少少彈牙，有魚味，唔錯⚇洛神花鮮橙特飲 $38好大杯，酸甜好解辣，橙味都幾突出而家呢個價錢同埋免加一服務費真係抵食好多！品牌堅持不添加香精，使用自家熬製牛油。