陽光餐廳

營業中

休息中

這間餐廳在一條很偏僻的街道，十分之不起眼，而且隔離有車房在附近，平時真的沒有什麼特別事，也不會特別途經這裏。今日經過見到，就試一下吧。內裏的裝修格局也十分之暗，低調。不過人少，位置十分之多的選擇。我們一行兩個人選擇了一個卡位，坐得都幾舒服。早餐選擇不多都係有三個選擇，於是就見到一個叫雞絲蘑菇的早餐，因為平時好少見到有雞絲的選擇，於是就揀黎試吓啦。上菜速度都真係好快，但係一嚟到，個樣貌就唔太吸引，因為顏色十分之簡單不夠鮮艷。雞絲係用雞皮帶有雞皮的有點肥嘅雞肉，味道就正常，冇乜味道。我初初以為佢係會用雞胸肉嗰隻雞絲，冇諗過係用肥嘅雞肉，所以覺得早餐來講會有少少太過肥膩。多士煎蛋，多士係脆嘅，但係係凍嘅，我唔知道佢點樣做到脆而凍，應該係新鮮整出嚟，但係佢一啲都唔熱，非常之特別！呢間嘢嘅整體環境味道都係中規中矩。但價錢好抵食。