超級無敵車仔麵

營業中

休息中

聽講呢一間車仔麵檔好巴閉今日終於有機會試一試佢係龍定係蟲。鹵水豆腐豬大腸冬菇生菜淨餸，鹵水豆腐超級大舊，都算入味，豬大腸洗得幾乾淨唔會有陣味，冬菇又唔算好厚身，正正常常咁啦，生菜份量都ok。鳳爪牛腩生菜胡椒豬肚個鳳爪有幾好食，係炸過嗰隻再放湯，胡椒豬肚胡椒味冇乜，牛腩都ok，夠林夠入味。豬手牛腩豬耳仔米粉，米粉份量勁多勁大兜，豬手不過大字，炆得唔夠腍又唔夠入味，舊骨好大但係肉好少，豬耳仔正常發揮啦。淨蘿蔔聽講話係一定要食嘅餸所以獨立嗌咗一兜，都先甜嘅不過心裏面覺得佢係落咗砂糖落去煮。