影片
更多
2018-10-23
1988 瀏覽
聞說上週六要返工, 本來放工想返屋企訓,但老豆老母阿妹訂左位食飯, 無辨法唔知有無記錯, 呢個舖位前身都好似係老飯店可能劏開左, 而家個舖位比較細, 連外面個水蔟箱都好細下因為放得晏, 去到佢地已經食緊, 留左半隻龍蝦比小弟粉絲蒜蓉蒸龍蝦: 肉質彈牙, 係新鮮既, 蒜唔算多, 配料同蝦肉既比例均衡, 好味道海鮮雜菜煲: 初頭望落白濛濛, 但食落又幾好味, 菜本身爽脆, 配料出乎意料多, 蝦米, 菇, 魷魚因為落左鯊魚骨, 所以有類似魚翅既味道蒸蝦子柚皮: 好耐無食呢個菜, 蝦子味夠搶, 但柚皮唔夠入味, 而且份量無以前果D咁大花雕蛋白蒸皇帝蟹: 以皇帝蟹黎講呢隻唔算大, 應該三至四斤, 不過好多膏, 蟹腳勁多肉而蟹汁同花雕落晒去蛋白度, 撈飯真係一絕炸子雞: 簡簡單單, 皮脆肉嫩, 鹹度適中, 無論食材同廚藝都相當好黑醋排骨: 表面結左一層好薄既糖, 所以咬落先脆後軟, 排骨肉林唔肥膩, 所以食左三塊七個人食飯, 計埋酒水白飯合共一千八百幾其實隻蟹都差唔多成千, 尖沙咀黎計咁既質素算好抵食
但老豆老母阿妹訂左位食飯, 無辨法
唔知有無記錯, 呢個舖位前身都好似係老飯店
可能劏開左, 而家個舖位比較細, 連外面個水蔟箱都好細下
因為放得晏, 去到佢地已經食緊, 留左半隻龍蝦比小弟
粉絲蒜蓉蒸龍蝦: 肉質彈牙, 係新鮮既, 蒜唔算多, 配料同蝦肉既比例均衡, 好味道
海鮮雜菜煲: 初頭望落白濛濛, 但食落又幾好味, 菜本身爽脆, 配料出乎意料多, 蝦米, 菇, 魷魚
因為落左鯊魚骨, 所以有類似魚翅既味道
蒸蝦子柚皮: 好耐無食呢個菜, 蝦子味夠搶, 但柚皮唔夠入味, 而且份量無以前果D咁大
花雕蛋白蒸皇帝蟹: 以皇帝蟹黎講呢隻唔算大, 應該三至四斤, 不過好多膏, 蟹腳勁多肉
而蟹汁同花雕落晒去蛋白度, 撈飯真係一絕
炸子雞: 簡簡單單, 皮脆肉嫩, 鹹度適中, 無論食材同廚藝都相當好
黑醋排骨: 表面結左一層好薄既糖, 所以咬落先脆後軟, 排骨肉林唔肥膩, 所以食左三塊
七個人食飯, 計埋酒水白飯合共一千八百幾
其實隻蟹都差唔多成千, 尖沙咀黎計咁既質素算好抵食
題外話/補充資料：
有一段時間無出街食海鮮, 呢餐都算係有水準, 值得推推
(以上食評乃用戶個人意見 , 並不代表OpenRice之觀點。)
張貼
