影片
更多
2019-10-18
2347 瀏覽
今個月係我一個識左十年嘅閨蜜生日月🥳所以我都好緊張，想請佢食餐好嘅生日飯去慶祝，然後好好紀念下。之前我哋生日飯通常都食壽司，今次想來點不一樣，所以我諗左好耐之後決定請佢食鐵板燒。係OpenRice 搵左啲鐵板燒餐廳，發覺•天寶鐵板燒•冇劣評，普遍評語都唔錯，而且我同朋友都想支持下小店，所以决定光顧試吓師傅手勢😋餐廳係上環AKVO酒店嘅30樓。一入去，燈光比我想像中光猛。餐廳只有一邊可以望到街景，而且窗嘅範圍好細，呢個景觀有啲失望。師傅介紹二人餐會更抵，可以揀鮑魚或者龍蝦，牛肉可以選擇美國或者加錢要日本A4和牛。我地揀左澳洲鮑魚、日本A4 和牛嘅二人餐。$2750💸(for 兩個人）前菜有沙律同埋鴨胸✨沙律菜新鮮，咬落爽脆🥬配上芝麻醬鴨胸我就覺得一般，因為我覺得啲鴨皮入口感覺肥膩之後師傅攞出今晚會煮嘅海鮮，仲主動問我地影唔影相😆鮑魚好新鮮，仲識郁嘅，size 就差唔多有我隻手咁大🤩師傅預先同我講鮑魚會有兩隻煮法首先食嘅係鮑魚嘅中間部分，利用白酒煮。中心部位嘅鮑魚入口有嚼勁。鮑魚帶有清清地嘅酒味同佢本身嘅鮮味好夾❤️唔洗點醬都好好食。之後呢個係鮑魚嘅頭同尾部師傅話佢用黑松露醬去煮，但我唔係好
所以我都好緊張，想請佢食餐好嘅生日飯去慶祝，然後好好紀念下。
之前我哋生日飯通常都食壽司，今次想來點不一樣，所以我諗左好耐之後決定請佢食鐵板燒。
係OpenRice 搵左啲鐵板燒餐廳，發覺•天寶鐵板燒•冇劣評，普遍評語都唔錯，而且我同朋友都想支持下小店，所以决定光顧試吓師傅手勢😋
餐廳係上環AKVO酒店嘅30樓。
一入去，燈光比我想像中光猛。
餐廳只有一邊可以望到街景，而且窗嘅範圍好細，呢個景觀有啲失望。
師傅介紹二人餐會更抵，可以揀鮑魚或者龍蝦，牛肉可以選擇美國或者加錢要日本A4和牛。
我地揀左澳洲鮑魚、日本A4 和牛嘅二人餐。
$2750💸(for 兩個人）
前菜有沙律同埋鴨胸✨
沙律菜新鮮，咬落爽脆🥬配上芝麻醬
鴨胸我就覺得一般，因為我覺得啲鴨皮入口感覺肥膩
之後師傅攞出今晚會煮嘅海鮮，仲主動問我地影唔影相😆
鮑魚好新鮮，仲識郁嘅，size 就差唔多有我隻手咁大🤩
師傅預先同我講鮑魚會有兩隻煮法
首先食嘅係鮑魚嘅中間部分，利用白酒煮。
中心部位嘅鮑魚入口有嚼勁。鮑魚帶有清清地嘅酒味同佢本身嘅鮮味好夾❤️唔洗點醬都好好食。
之後呢個係鮑魚嘅頭同尾部
師傅話佢用黑松露醬去煮，但我唔係好食到黑松露嘅味道🧐
味道會較前者濃郁，質感較軟身啲。
睇住師傅係你面前用個叉，幾下手勢就將隻蝦剝左殼🤩動作好利落
🦐蝦肉爽口彈牙
再黎嘅係鵝肝❤️
師傅煎到兩邊好脆，中間軟身，入口即溶。
底部麵包用嚟索油。
A4 和牛 呢個係厚燒
入口即溶，一啲都唔肥膩。
😭唯一嘅缺點係份量太少喇
之後仲有個薄燒和牛🐮（大約有三舊）
和牛中間包住蔥同埋煎香左嘅蒜頭。
厚燒同薄燒比較之下，我個人喜歡厚燒多啲。因為牛味較重，相反薄燒主要食到嘅係香蔥蒜頭味。
✨白酒煮蜆湯
雖然得四、五隻蜆，但湯底吸收晒啲蜆肉嘅鮮甜味😋配上淡淡酒香，好味！
飯用牛油炒，炒到粒粒分明、有嚼勁。
最後仲有個雪糕同埋焦糖多士作為總結。
焦糖多士實在太好食，好食到我唔記得咗影相🤣
大家一定要留肚食❤️
總括黎講，人均消費1500有點貴，食物可接受但未到有驚喜。店舖裝潢未算十分精緻，感覺較親民。但師傅非常健談，亦會建議食材嘅食法，呢樣加少少分。
🙈個人覺得如果兩個人要俾三千蚊，可以有更好嘅選擇。
張貼
