好燒式串燒專門店 (砵蘭街)

營業中

休息中

想食串燒嘅時候，好難唔諗起《好燒式》，好味得黎價錢又夠大眾化。今次去旺角砵蘭街分店。店長推介兩款隱藏menu嘅新菜式，當然要試下😋✨橘子鴨 賣相靚！鴨胸有嚼口但唔會好乾，配上清新微甜橘子醬汁，互相平衡減輕食肉嘅油膩感。伴碟仲有菠蘿粒，不錯。✨爆炸蟹 模仿避風塘炒蟹，不過用上軟殼蟹，也不錯，口感酥脆。爆多炸蒜，好香口，如果飲住啤酒真係一流！另外仲叫左日式汁燒魷魚筒/泰式燒豚肉/燒日本鯖魚/燒雞中翼/羊肉串/蒜蓉燒茄子。汁燒魷魚筒好好食！煙煙韌韌，醬汁辣辣地好惹味；燒豚肉份量都幾多，夠腍又帶有焦香，蘸上泰式酸辣醬好好味；另外個燒鯖魚同蒜蓉茄子都係我每次必點之選🙌🏻