影片
更多
2023-10-19
86 瀏覽
見到新開咗間望落幾吸引嘅鐵板燒就當然第一時間過嚟試下裡面有3組可以睇住師傅整嘅位，如果驚比人望住食會尷尬仲有幾張普通枱（但一場嚟到梗係望實師傅點整）揀咗全日優惠餐 $148裡面包含前菜同埋有沙律然後師傅先比我地影相打咭，好大隻蝦見到已經好期待先上大蝦同埋時蔬，擺盤都好靚大蝦加咗獨家調味醬汁，濃香好惹味但又咭會搶晒隻蝦嘅味！食完好想再追加多隻因為我唔太中意蔥同蒜，所以男友份牛係有落到而我果份無，但貪心嘅我兩樣都想試就交換咗一塊落咗蔥同蒜嘅香味同肉好夾，但我地都覺得唔落反而更加可以食到肉嘅味，一夾起啲肉汁就係咁滴落隻碟度，忍唔住快手一口將佢放入口，燒之前有調味，就算唔點汁都已經好好食一上碟就清咗師傅好貼心咁會注意住進度，到咁上下就會開始炒飯，牛肉同煙肉都各叫咗一份頭先我話唔要蔥，師傅專誠問我食唔食洋蔥，我話食佢先會加落去，好貼心啊！個飯底加咗蛋去炒好香，要鐵板燒先有依種香味中間仲有碗味蹭湯，無咩特別就無入鏡啦～原來跟餐仲有每人半份焦糖多士，因為我地唔知就加咗兩份XD 每加一份都只係$10，好扺先將麵包烘香，然後加牛油同大量嘅砂糖，最後再壓扁，望住佢加砂糖果下好緊張，一直諗會唔會加太多？！但
揀咗全日優惠餐 $148
裡面包含前菜同埋有沙律
然後師傅先比我地影相打咭，好大隻蝦見到已經好期待
先上大蝦同埋時蔬，擺盤都好靚
大蝦加咗獨家調味醬汁，濃香好惹味但又咭會搶晒隻蝦嘅味！
食完好想再追加多隻
因為我唔太中意蔥同蒜，所以男友份牛係有落到而我果份無，但貪心嘅我兩樣都想試就交換咗一塊落咗蔥同蒜嘅香味同肉好夾，但我地都覺得唔落反而更加可以食到肉嘅味，一夾起啲肉汁就係咁滴落隻碟度，忍唔住快手一口將佢放入口，燒之前有調味，就算唔點汁都已經好好食
一上碟就清咗
師傅好貼心咁會注意住進度，到咁上下就會開始炒飯，牛肉同煙肉都各叫咗一份
頭先我話唔要蔥，師傅專誠問我食唔食洋蔥，我話食佢先會加落去，好貼心啊！
個飯底加咗蛋去炒好香，要鐵板燒先有依種香味
中間仲有碗味蹭湯，無咩特別就無入鏡啦～
原來跟餐仲有每人半份焦糖多士，因為我地唔知就加咗兩份XD 每加一份都只係$10，好扺
先將麵包烘香，然後加牛油同大量嘅砂糖，最後再壓扁，望住佢加砂糖果下好緊張，一直諗會唔會加太多？！但實際上味道真係好邪惡啊！
仲可以半價加飲品！叫咗白桃冰號，啲沙冰好棉白桃味都好出 無叫野飲都會比熱茶～
只係個杯係手搖杯，視覺上有小小唔match哈哈
除咗貼心嘅師傅，餐廳服務都好好，一有小小殼都會即換碟，依間仲要係旺角，放工食飯好方便
張貼
