影片
更多
2024-01-14
85 瀏覽
荃灣嘅商場都真係多不勝數，不過每個商場幾乎都有去過，咁啱我要去愉景新城買啲嘢，順便係到食埋飯😌，見到呢一間🌸鳥山名🌸嘅日本餐廳，咁啱佢哋做緊有好多嘢都八折，所以就嚟試吓，裏面嘅裝修都唔錯，第一眼望落去就見到一個大型嘅開放式壽司吧😆，座位方面一覽無遺，另外分咗兩個區域，餐廳嘅出面有一列嘅卡位，都係屬於商場裏面，至於餐牌嘅種類方面，一定會有刺身，壽司，鍋物，定食同埋好多唔同嘅小食等🤤🤤另外佢哋仲有一份料理長特別推介嘅Menu ，我哋都有嗌咗幾款壽司，其中較為最特別嘅係🍣白子壽司 $22 :初初都冇為意就嗌咗，點知嚟到個賣相……….😅原來佢係河豚嘅精囊，可以刺身或者火鍋用，嗌咗點都要試吓😅，佢個感覺好似細生腸咁，滑溜溜，食落個味道似海鮮咁，帶有少少腥🥹，但裏面就冇嗰種好粉同粒粒嘅感覺，都係嗰句，有啲人會好鍾意食，但有啲人就好憎，同食榴槤嘅原理一樣🥹，不過佢都係幾特別嘅，同埋都係高蛋白質，加上唔係間間餐廳都有，係可以試吓嘅😌😌🍣海鰻壽司 $32 :鰻魚切到幾厚身，另外加咗特製醬料，壽司飯煙韌，價錢實惠👍🏻👍🏻🍣北海道海膽手卷 $88 : 海膽份量都幾多，食落好creamy，海膽味超重，超惹味😍
另外佢哋仲有一份料理長特別推介嘅Menu ，我哋都有嗌咗幾款壽司，其中較為最特別嘅係
🍣白子壽司 $22 :初初都冇為意就嗌咗，點知嚟到個賣相……….😅原來佢係河豚嘅精囊，可以刺身或者火鍋用，嗌咗點都要試吓😅，佢個感覺好似細生腸咁，滑溜溜，食落個味道似海鮮咁，帶有少少腥🥹，但裏面就冇嗰種好粉同粒粒嘅感覺，都係嗰句，有啲人會好鍾意食，但有啲人就好憎，同食榴槤嘅原理一樣🥹，不過佢都係幾特別嘅，同埋都係高蛋白質，加上唔係間間餐廳都有，係可以試吓嘅😌😌
🍣海鰻壽司 $32 :鰻魚切到幾厚身，另外加咗特製醬料，壽司飯煙韌，價錢實惠👍🏻👍🏻
🍣北海道海膽手卷 $88 : 海膽份量都幾多，食落好creamy，海膽味超重，超惹味😍😍，手卷的話，價錢中等，但呢一個質量嚟計算性價比高😋😋
🐮牛肉蒜片薄燒 $96 :薄燒牛有幾種沾法，沙律醬同埋醋又或者乾蒜，任君選擇，牛肉偏瘦，唔大太多油脂，所以食起上嚟唔會好油膩😋，裏面都係加咗香蔥同蒜，肉汁惹味，價格又唔高👍🏻
🍱鹽燒鯖魚定食 $110 :定食方面配料都算多，有沙律，醃蘿蔔，日本螺肉，麵豉湯同埋甜品，麵豉湯相當濃郁🤤，整體份量一人食一定夠飽，鯖魚燒得剛剛好👍🏻，食落一啲都唔會乾爭爭，仲帶點嫩👏🏻，另外配上檸檬同蘿蔔蓉再加珍珠飯，呢個配搭完勝👏🏻👏🏻
🍹荔園 $32 :推介嘅有黑糖鮮奶同埋呢一杯荔園，佢裏面有椰果肉，荔枝味較重，甜度適中,超開胃嘅荔枝梳打👍🏻👍🏻
張貼
