翡翠拉麵小籠包 (已結業)

平日4點幾去食下午茶，兩個人叫左4個小食同一杯野飲。一人到去就有卡位坐，唔洗排隊。叫左花膠雞灌湯餃，烚菜，咕嚕蝦球同小籠包。個花膠雞灌湯餃啲湯幾好飲，不過個花膠細過塊指甲😅舊雞啲肉勁鞋，舊餃又唔好食。烚菜啲菜老過我呀嫲，硬到完全咬唔到。淨係食咗啲蛋白同皮蛋就算。個咕嚕蝦球都唔知咩嚟，似係百圾蝦頭加茄汁多啲，價錢同海洋公園有得比，但係味道完全唔及海洋公園。小籠包同普通茶樓都相差無幾，但係價錢就貴幾倍。