夏麵館 (始創中心)

營業中

休息中

已經有一段時間冇食上海嘢又掛住個味道，今次就去咗太子的【夏麵館】。入面嘅上海菜式超多，最後我哋揀咗夏味燻蛋、賽螃蟹、老上海炒飯、鮮肉小籠包、家常煎餅、高力豆沙。燻蛋入面嘅蛋黃超醇厚，做前菜一流。賽螃蟹個味道炒得啱啱好，我連埋個老上海炒飯食感覺新穎，老上海炒飯入面有蝦同埋一d上海配菜，而且鍋氣十足好好味。 鮮肉小籠包點醋及薑絲食提升咗個味道，一咬落去入面d肉汁漏曬出嚟。 家常煎餅就好有上海風味，入面嘅葱絕對提升咗餅嘅味道。高力豆沙就係一個傳統上海甜品，入面嘅豆沙加上熱烘烘嘅表層真係回味無窮。