影片
更多
2013-11-06
5354 瀏覽
秋風起，打邊爐旺季又來！兩人想打邊爐，多數去任食放題，若五、六人嘅話，散叫打邊爐質素同價錢必定會好好多！今日同行8人去了太子小肥牛！這間去了2-3次，對上一次該有一年了！最討厭這間就是要行樓梯，VIP 房在3樓，行餐死先有得食~不過，打邊爐VIP 房，500蚊消費或以上就可訂，咁就訂喇！(其實VIP房格局似雀房~)上去之前，睇左開飯喇食評，話佢嘅質素差左，但試過又唔係播！可能真係物價升左好多，睇小肥牛個餐版，148蚊手切肥牛、38蚊隻聖子王同108蚊嘅桶蠔，象拔蚌就2百幾蚊同出面差唔多，相比起紅磡、九龍城果些....唔係好貴，可以接受，我地叫了好多好多野食，餃、丸、魚、菜、山根、魚片....等等等，最後每人兩百幾埋單，都算係抵食吧！牛肉好味，好大碟，雪花好平均，仲有牛柳粒，前後叫左兩次，因為這裡嘅牛柳粒是必食的象拔蚌嘅質量就一般，用來打邊爐可以，刺身就....哈哈反而，無預期嘅聖子王比想象中靚同新鮮，街市買十隻、八隻都要兩百幾蚊，所以計落38蚊隻都唔算太貴美國桶蠔就沒什麼特別，也是肥美大件吧~蝦滑、墨魚滑也是這裡招牌菜，我個人覺得尚可，但人數唔太多就不用叫，因太飽肚了！哈哈整體小肥牛都
兩人想打邊爐，多數去任食放題，若五、六人嘅話，散叫打邊爐質素同價錢必定會好好多！
今日同行8人去了太子小肥牛！
這間去了2-3次，對上一次該有一年了！
最討厭這間就是要行樓梯，VIP 房在3樓，行餐死先有得食~
不過，打邊爐VIP 房，500蚊消費或以上就可訂，咁就訂喇！
(其實VIP房格局似雀房~)
上去之前，睇左開飯喇食評，話佢嘅質素差左，但試過又唔係播！
可能真係物價升左好多，睇小肥牛個餐版，148蚊手切肥牛、38蚊隻聖子王同108蚊嘅桶蠔，象拔蚌就2百幾蚊同出面差唔多，相比起紅磡、九龍城果些....唔係好貴，可以接受，我地叫了好多好多野食，餃、丸、魚、菜、山根、魚片....等等等，最後每人兩百幾埋單，都算係抵食吧！
牛肉好味，好大碟，雪花好平均，仲有牛柳粒，前後叫左兩次，因為這裡嘅牛柳粒是必食的
象拔蚌嘅質量就一般，用來打邊爐可以，刺身就....哈哈
反而，無預期嘅聖子王比想象中靚同新鮮，街市買十隻、八隻都要兩百幾蚊，所以計落38蚊隻都唔算太貴
美國桶蠔就沒什麼特別，也是肥美大件吧~
蝦滑、墨魚滑也是這裡招牌菜，我個人覺得尚可，但人數唔太多就不用叫，因太飽肚了！哈哈整體小肥牛都唔錯，我都無叫好貴嘅湯底，其實佢貴極都是一百幾蚊，我地叫了個牛腩湯地5X蚊，打邊爐多選擇、夠新鮮先為重點！
所以，小肥牛都好值得推薦~
張貼
