影片
更多
2024-03-05
51 瀏覽
今日同為食朋友雙妹嘜去尖沙咀半島酒店B1層既「釧」食omakase. 由半島酒店大堂落一層好易就搵到舖頭喇。前台職員帶我哋坐喺壽司師傅枱前既高枱。好開心可以坐正喺壽司師傅前面，一路食一路欣賞師傅整壽司，藝術感滿滿！儀式感滿滿！職員為我哋送上綠茶後，壽司師傅就逐一安排以下菜式俾我哋。螢光魷魚。水雲：水雲滑捋捋，配合埋酸酸地嘅調味，清新開胃。水雲上面嘅係螢光魷魚，唔好睇佢細細隻，佢肉質彈牙，咬開之後原來味道好濃郁。左口魚刺身。火炙左口魚裙邊：左口魚裙邊肥美，經過火炙之後油脂溶化後，令魚肉食落更香。左口魚刺身味道清甜，配合鹹鹹地嘅調味汁，更增添鮮味。火炙洋蔥醬油鰹魚：鰹魚味濃，所以即使配上重味嘅洋蔥都唔會蓋過鰹魚嘅味道，兩者配合反而相得益彰。法國藍龍蝦天惠菇黑松露茶碗蒸：法國藍龍蝦生熟程度啱啱好，肉質彈牙肉汁豐富。天惠姑厚肉好咬口。呢兩樣食材加埋黑松露同埋滑溜嘅蒸蛋，無論喺味道上面定係口感上面都令層次增加左。醬油漬燒鯛魚：魚皮上加上醬油去燒，令到魚皮有少少煙韌嘅口感。而下面嘅荀絲都好幼嫩。手握壽司：- 鯛魚壽司：用鯛魚肉質爽彈，味道清甜。用黎做第一件壽司好適合- 赤貝壽司：好鍾意食赤貝厚肉嘅
由半島酒店大堂落一層好易就搵到舖頭喇。前台職員帶我哋坐喺壽司師傅枱前既高枱。好開心可以坐正喺壽司師傅前面，一路食一路欣賞師傅整壽司，藝術感滿滿！儀式感滿滿！職員為我哋送上綠茶後，壽司師傅就逐一安排以下菜式俾我哋。
螢光魷魚。水雲：
水雲滑捋捋，配合埋酸酸地嘅調味，清新開胃。水雲上面嘅係螢光魷魚，唔好睇佢細細隻，佢肉質彈牙，咬開之後原來味道好濃郁。
左口魚刺身。火炙左口魚裙邊：
左口魚裙邊肥美，經過火炙之後油脂溶化後，令魚肉食落更香。左口魚刺身味道清甜，配合鹹鹹地嘅調味汁，更增添鮮味。
火炙洋蔥醬油鰹魚：
鰹魚味濃，所以即使配上重味嘅洋蔥都唔會蓋過鰹魚嘅味道，兩者配合反而相得益彰。
法國藍龍蝦天惠菇黑松露茶碗蒸：
法國藍龍蝦生熟程度啱啱好，肉質彈牙肉汁豐富。天惠姑厚肉好咬口。呢兩樣食材加埋黑松露同埋滑溜嘅蒸蛋，無論喺味道上面定係口感上面都令層次增加左。
醬油漬燒鯛魚：魚皮上加上醬油去燒，令到魚皮有少少煙韌嘅口感。而下面嘅荀絲都好幼嫩。
手握壽司：
- 鯛魚壽司：用鯛魚肉質爽彈，味道清甜。用黎做第一件壽司好適合
- 赤貝壽司：好鍾意食赤貝厚肉嘅口感
- 池魚壽司：一擺入口有「丁」一聲嘅感覺，鮮味湧出黎。呢種味道係非常新鮮嘅池魚先會食到
- 牡丹蝦壽司：蝦腸已處理。牡丹蝦晶瑩剔透。
- 火炙金目鯛壽司：壽司師傅俾咗近腩位置俾我哋，所以油脂好豐富。配邊埋柚子皮，再增添香氣。
- 毛蟹蟹膏壽司：一絲絲嘅蟹肉配埋惹味既蟹膏，香氣在口腔內打滾。
- 火炙春子鯛壽司：壽司師傅喺火炙春子鯛上面在再即時刨上烏魚子碎，增加味道層次
- 油漬赤身壽司：好多時食赤身壽司，都會食到鐵銹味，但呢件赤身經過油漬，並冇鐵銹味，只係剩返魚嘅鮮味。
- 中拖羅壽司：中拖羅好滑，可以食到到吞拿魚嘅油脂香。
海膽手卷：富美丸水產既赤海膽，味道清甜同時海膽味濃郁嘅。色澤鮮黃平均，海膽飽滿肥美，口感軟滑。
吞拿魚蓉手卷：吞拿魚蓉加上醬汁調味及芝麻，再配合脆口既紫菜，香味十足。
麵豉湯：用三種麵豉加上豆腐及菇菌製成。食完壽司，飲返碗熱辣辣嘅湯，好舒服。
布甸蛋：微甜嘅布甸蛋，外表好平滑，冇氣孔。
焦糖紅酒餅：焦糖味道突出。一口一個。
咖啡蒟蒻日本柑：咖啡味嘅蒟蒻鋪喺日本柑上面， 最下層係Rosemary榛子雪糕，榛子果仁粒好脆。
香印提子冰：用香印提子肉，香印提子汁及碎冰製成。加上紫蘇花黎食，味道好特別。而且呢個甜品係凍食，感覺清爽。
伊達卷：十勝紅豆加係芝士蛋糕入面。芝士蛋糕好有水份同好軟熟。
豆乳福袋：造型好靚，好特別。我食之前將福袋一開四再撈埋奶酥奶凍一齊食。口感豐富。
黑芝麻朱古力：作為最後一款嘅甜品，甜度亦都係咁多款甜品之中最高。黑芝麻味非常濃郁。作為最後一個甜點合適不過。
咁就過咗愉快嘅兩個鐘頭喇。
張貼
