三滝 (已結業)

相信係女生嘅口中，365日都會係減肥嘅日子，然後呢一個月就係我嘅減肥日。所以特別係夜晚嘅時候我都會揀番啲比較輕量嘅嘢食，但係輕量得來又飽肚又唔會太肥嘅，我就覺得壽司會係不錯的選擇。今日見完客經過呢一到，雖然佢嘅鋪頭比較不起眼，但係入邊嘅食物的確不錯。淨係魚生飯起碼有二十幾30個款可以俾我揀，淨係企喺度睇個餐牌，我都足足選左10分鐘。今日我就揀咗p5呢一個壽司丼，入邊會有三文魚，劍魚腩，油金魚，吞拿魚仲有埋三文魚子。一種刺身都有兩件，而且佢嘅厚薄適中，食落非常之鮮甜，特別係佢嗰塊劍魚腩，平時其實我唔係好鍾意食，覺得好會有一陣草青味，但係呢一度食落去非常之甘香油脂分泌剛好。另外就叫咗一個炸豬扒，朋友都好鍾意食，成日食炸豬扒，鍾意拒脆卜卜嘅感覺。呢一度都做到十分之脆，係鬆脆，而且有咬入去個豬扒唔會好乾身，仲要係即叫即製，全人手製作，唔係買啲貨返嚟炸，所以等候需時啊。夜晚來呢度食特別抵，揀一個魚生飯另外再揀多一個熟食，再加埋精選嘅刺身，再加小食，再加埋沙律菜同埋面豉湯＄200都唔使，平過一碟8蚊嗰d，收工過嚟食一流。