影片
更多
2023-08-03
2259 瀏覽
放假約咗爹d媽咪飲茶，搵咗呢間係尖沙咀環境唔錯嘅酒樓飲下午茶，有海景坐得幾舒服。其實我覺得呢間酒樓幾適合做婚宴，冇柱之外，仲有露台可以出去戶外睇海景，結婚影相一流。黑松露鮮蝦餃 $43一籠有四隻，皮厚度適中，一口咬下陣陣黑松露嘅香味滲出來，蝦肉都幾大粒。蟹籽北菇燒賣皇 $36賣相顏色幾靚，咬開好多蝦肉，豬肉都幾爽口，加埋少少冬菇嘅香味，唔錯。香煎栗子鮮蝦腐皮卷$36粉粉嘅栗子粒，加上清爽青瓜粒同埋爽口嘅蝦肉，配上煎得金黃酥脆嘅腐皮，沾上喼汁食幾正。香茜叉燒腸粉 $36腸粉皮幾滑，而且幾爽，唔會太腍啤啤。叉燒粒味道唔錯，如果再多啲更加好。金箔黑芝麻流心球 $36買算有金箔，幾矜貴。煎堆仔用黑芝麻包住炸得外脆內煙靭，餡料係奶黃流沙餡，但係就略嫌唔夠流心，不過味道係唔錯嘅。黑醋柚子蜜牛仔骨 $43呢個牛仔骨有別於一般食開嘅豉椒味道，黑醋帶酸酸嘅味道，配上柚子蜜又中和返，成個配搭味道幾清新。牛仔骨肉質幾好，亦唔會用梳打粉醃到冇晒牛味。一口腩叉焗餐包 $36呢個叉燒餐包好的骰，賣相幾得意。餐包好軟熟，裏面嘅叉燒用上腩嘅部份，肥瘦剛好，配上適量嘅叉燒醬汁，好食。乾炒安格斯牛肉河粉 $138乾炒牛河
黑松露鮮蝦餃 $43
一籠有四隻，皮厚度適中，一口咬下陣陣黑松露嘅香味滲出來，蝦肉都幾大粒。
蟹籽北菇燒賣皇 $36
賣相顏色幾靚，咬開好多蝦肉，豬肉都幾爽口，加埋少少冬菇嘅香味，唔錯。
香煎栗子鮮蝦腐皮卷$36
粉粉嘅栗子粒，加上清爽青瓜粒同埋爽口嘅蝦肉，配上煎得金黃酥脆嘅腐皮，沾上喼汁食幾正。
香茜叉燒腸粉 $36
腸粉皮幾滑，而且幾爽，唔會太腍啤啤。叉燒粒味道唔錯，如果再多啲更加好。
金箔黑芝麻流心球 $36
買算有金箔，幾矜貴。煎堆仔用黑芝麻包住炸得外脆內煙靭，餡料係奶黃流沙餡，但係就略嫌唔夠流心，不過味道係唔錯嘅。
黑醋柚子蜜牛仔骨 $43
呢個牛仔骨有別於一般食開嘅豉椒味道，黑醋帶酸酸嘅味道，配上柚子蜜又中和返，成個配搭味道幾清新。牛仔骨肉質幾好，亦唔會用梳打粉醃到冇晒牛味。
一口腩叉焗餐包 $36
呢個叉燒餐包好的骰，賣相幾得意。餐包好軟熟，裏面嘅叉燒用上腩嘅部份，肥瘦剛好，配上適量嘅叉燒醬汁，好食。
乾炒安格斯牛肉河粉 $138
乾炒牛河色水幾靚，河粉唔會炒得太油，配上大量芽菜同埋韮菜花，所以好香。牛肉用上安格斯牛肉，肉質好牛味濃。
#尖沙咀#飲茶#下午茶#蝦餃#燒賣#腐皮卷#叉燒餐包#芝麻流沙煎堆仔#牛仔骨#腸粉#乾炒牛河#yummy#hkfoodie#foodie
張貼
