利寶閣 (已結業)

今日同朋友係銅鑼灣做完Facial，就諗住係附近食晚飯，就去左利舞臺入面既利寶閣！環境相當雅緻，仲裝左幾個水晶吊燈，侍應比人感覺非常親切有禮。係menu 上面見到有個餐廳主打谷飼豚肉叉燒飯配原盅佛跳牆，就叫左個啦個佛跳牆非常足料，用鮑魚、魚翅、花膠雞腳等材料，魚翅一梳一梳非常綿密，啖啖都係料，湯頭十分濃郁入味，叉燒飯肥瘦度剛好，配埋荷包蛋蛋汁 一流！香辣爆蝦球，十分送飯既一道菜，辣得惹味十足，蝦球爽口彈牙，加埋豆角好爽口，小份既分量都好足本 必食！三色椒蒸龍躉頭腩，一d猩味都無，魚皮與魚肉之間有一層薄薄既魚膠，食落口感更加嫩滑，仲可以用埋魚汁撈飯唔好曬！