影片
更多
2024-10-18
106 瀏覽
今日嚟左深水埗泰亞萊食飯，係一間性價比好高嘅餐廳，地方舒適簡潔，牆邊仲有泰象圖案，別具特色風味。泰式黃咖喱蟹肉飯 （$60）蟹肉份量比預期多，咖喱香濃但並唔辣，適合唔食辣既朋友仔，配上新鮮蟹肉，口感非常豐富，配白飯一流。豬頸肉撈檬 （$56）顏色鮮艷有層次，有香蔥，蘿蔔絲，生菜絲，炸蒜等等，檬粉有口感，豬頸肉亦燒得香口彈牙，配合醬汁冇得彈。炸魚餅 （追加$15）兩件魚餅炸得香脆，配上泰式醬更加滋味。龍眼冰 （追加$8）除咗飲用，記得仲有幾粒龍眼可以食㗎。珍多冰 （追加$8）椰汁香濃，甜得嚟好好飲。整體而言，今次係一個好好既體驗，價錢非常抵，叫咗咁多嘢食埋單都只係需要$147，餐廳亦有好多唔同嘅食物提供，非常適合鐘意泰國美食嘅朋友。
泰式黃咖喱蟹肉飯 （$60）
蟹肉份量比預期多，咖喱香濃但並唔辣，適合唔食辣既朋友仔，配上新鮮蟹肉，口感非常豐富，配白飯一流。
豬頸肉撈檬 （$56）
顏色鮮艷有層次，有香蔥，蘿蔔絲，生菜絲，炸蒜等等，檬粉有口感，豬頸肉亦燒得香口彈牙，配合醬汁冇得彈。
炸魚餅 （追加$15）
兩件魚餅炸得香脆，配上泰式醬更加滋味。
龍眼冰 （追加$8）
除咗飲用，記得仲有幾粒龍眼可以食㗎。
珍多冰 （追加$8）
椰汁香濃，甜得嚟好好飲。
整體而言，今次係一個好好既體驗，價錢非常抵，叫咗咁多嘢食埋單都只係需要$147，餐廳亦有好多唔同嘅食物提供，非常適合鐘意泰國美食嘅朋友。
張貼
