德興火鍋．海景軒 (已結業)

一早响東九龍上完山, 快到正午, 大顆兒一行七人, 老老少少, 我就提議到Megabox飲茶. 轉咗＋幾個圈先至泊好車, 步入商場, 見到呢間德興門面唔錯, 不妨一試. 侍應領我們入坐, 內裏環境光猛, 坐位寬倘舒適. 安坐後, 開咗茶, 係咁意叫咗＋零個點心: 蝦餃, 燒賣 - 蝦餃麻麻, 連小公子都唔吼. 燒賣一般... 鵝肝芋角 - 吃唔到鵝肝味.... 炸雲吞 - 幾脆, 味道ok. 蝦腸, 义燒腸 - 腸粉唔錯, 好滑! 脆皮燒腩仔 - 皮好脆, 可惜唔熱, 肉太咸! XO醬炒年糕 - 年糕出奇地炒得好味, 唔錯! 煎薄餐 - 味道好傳統, 不太油, 唔錯! 义燒包 - 一般ok啦.... 金蒜蒸排骨 - 淡而無味! 流沙包 - 正, 的確好流沙! 椰汁紅豆糕, 芒果布甸 - 椰汁糕味道清新, 紅豆略硬, 芒果布甸則唔錯. 整體評分只屬一般, 冇乜驚喜, 嚟Megabox勝在人流唔太多, 有免費泊車. 下次可試第二間, 冇位先會考慮再返嚟.