樂天皇朝 (利舞臺廣場) (已搬遷) 新店位置

今天要OT的緣故，訂了8:30的位食晚飯，時間啱啱好之餘仲有半價，好抵！首先來的是鮮蝦抄手拌麵，蝦抄手足料，好大隻蝦，但醬汁太少，有點乾不夠味。上海風味醬鴨，醃得夠入味，不錯。薑汁炒芥蘭，份量有點少，有少少薑味的，不韌，爽甜。皇朝話梅骨，是廚師推薦菜式，細細粒，炒得挺香，但話梅味再入味些會更好。還叫了酸辣湯，不太辣，多料，一碗都夠兩人飲了。最想試的特色皇朝小籠包終於到了！彩色非常靚正常有次序要跟住不同口味食，我同朋友就隨意選想食的顏色，其實隻隻味道都差不多，黑松露，芝士同蟹粉味道會較突出，都算皮薄餡靚最後叫了驢打滾做甜品，味道像雷沙湯丸，口感像糯米糍，紅豆餡甜甜的，十分煙韌。有優惠絕對可以一試，而且環境優雅，服務也不錯。