PARKSIDE@NINA

營業中

休息中

餐廳位於如心廣場內，木化石裝潢，設計獨特，打卡一流，店內環境舒適，空間感十足，整體氣氛好好，而且食物價格相當親民化，絕對適合約另一半嚟拍拖。前菜有龍蝦泡沫濃湯，主廚推介菜式之一，賣相一流，上枱時熱辣辣，龍蝦味濃郁，旁邊附上香脆嘅蒜蓉包，點著食更加好味道，一人份量偏少，建議一人叫一碗自己食。主食有薄餅，口味眾多令人難以選擇，最後要咗個瑞士式薯仔味道，出面未見過，上面放上切片薯仔，澱粉加澱粉，神奇組合，食完都唔膩，可能因為薄餅用上酸種麵包所以更容易消化。小食有燒烤醬雞肉絲墨西哥薄餅，4件上，外層薄身，微微脆且帶軟熟口感，餡料飽滿，雞肉絲唔嚡且調味啱啱好，旁邊附上經典三款醬汁配料，食完都幾飽肚。