森巴 (已結業)

元宵節晚同女友來試試，set dinner $138 per head ，每人可選兩個頭盤兩個main、餐湯、甜品同飲品。叫左兩個set，芝士波好鬼香，煎蠔幾大隻，餐湯一般，main都幾好，鵝肝幾香口，不過好油。可惜女友唔食蠔同鵝肝，我自己食完呢兩樣已經好"漏"，差D食唔落其它野。最後將甜品同飲品換左火焰雪山，幾得意，不過味道一般，入面D雪糕幾硬，唔知係咪我地趕時間叫佢整快D所以差左。我叫過o個三位服務員態度好好，我話俾佢知趕時間可唔可以上菜快D，有位女服務員重係咁話唔好意思，又主動提出幫我同女友影相，值得一讚！可能我要求唔太高，埋單三百零幾，野食okay，份量都夠，我覺得幾好，好過有D食完三四百再要食麥記。唯一係座位有D窄，座位背頂背，我已經好瘦都坐得唔係幾舒服。